فيروز
مش ممكن صوتها بيعمل في ايه
بحس إنه بيخليني في حالة تصالح مع ذاتي
صوت عميق رقيق كله إحساس
إحساس حقيقي
وكلمات أغانيها كلها مودة ومحبة صافية ورقيقة وغير مبتذلة
عارفين كأن الواحد قاعد في بلد أرياف بيسمع فلوكلور أصلي وجميل من صوت ولاد البلد دي
بحب اسمع ناس كتير غيرها زي مارسيل خليفة وأميمة الخليل وعايدة الأيوبي وماجدة الرومي وأنغام وإيمان البحر درويش ومحمد منير وعلي الحجار وكاظم ونبيل شعيل ،يعني يمكن كل الفنانين المحترمين أوي
بس لأ فيروز حاجة تانية
فعلا حاجة تانية
حفرت لنفسها مكان كبير ومهم ومرموق من دون ما تخضع لمتطلبات السوق
لا وصلت اللون اللي هي عايزاها بصوت جميل وألحان أروع من زوجها عاصي سابقا وابنها زياد وكتير من الرحبانية
وبقى مقياس أصوات كتير صوتها هي (الصوت الفيروزي) الرقيق بالضبط زي قيمته كحجر وجماله كلون
كان نفسي احطلكم أغنية نسم علينا الهوا أو شط اسكندرية بس لأني غشيمة شويتين تلاتة أربعة ما عرفتش اعمل كده سامحوني
هناك تعليق واحد:
ده نفس الشعور اللي بحسة بس وانا بسمع منير
شعور جميل قوي لما تحسي ان المطرب بيقتحم كيانك بصوته
بس اجمل حاجة بحبها في منير المواضيع الكتير اللي بيغني فيها بعيدا عن الحب والغرام
طبعا انا مش محتاج اقول كلام حلو في فيروز
سلاماتي و احتراماتي
إرسال تعليق