29‏/02‏/2008

Happy Valentine's Day


مش عارفة الناس بقوا عاملين كده ليه
زمن المسخ على رأي عادل إمام في فيلم "عمارة يعقوبيان" فبالرغم من إني مش بحب الفيلم ده بس الكلمة دي بتجرحني أوي
وللأسف مش بس زمن المسخ الأمة نفسها بقت كده لا هوية لا شكل مفيش ملامح
هنقف مرة قدام المراية مش هنلاقي ملامح زي ما أ. عمرو خالد كان بيقول
الناس في الفالنتين كانوا بيتلككوا عشان يلاقوا حاجة يعملوها حتى اللي مش مخطوبة ولا متجوزة بتحتفل طب والنبي بتحتفل بإيه
طب بلاش تخيلوا عندنا في الشغل كانوا عايزين يلموا من بعض ويحتلفوا
ده ما عملوش حاجة لما الفلسطينين من جوعهم كسروا الجدود ما فكروش يلموا من بعض ويبعتوا لنقابة الأطباء
طب تتخيلوا أن مدرسة أولاد بنت خالتي عملت جايزة لأحسن فصل يزين فصله كويس في الفالنتين
بالله إيه منهج المدرسة دي
إيه اللي عايزة تبثه في أبنائنا
ده كنت هتشل
أجمل نكتة بقى وأنا في كوستا مرة سمعت بنت بتقول لصاحبتها إنها هتروح تجيب هدية لنفسها عشان منظرها قدام صاحباتها
ولا عزاء لأي حد محترم
حسبنا الله ونعم الوكيل

هناك 4 تعليقات:

أندلس يقول...

سبحان الله نفس الجلة اللي افتكرتها يوم الهباب اللي فات دة
احنا في زمن المسخ
مش معلق معايا غيرها من الفيلم

عصفور طل من الشباك يقول...

نورتيني يا قمر
وشكرا على تعبك معايا

غير معرف يقول...

ده اسمه الموروث الثقيل لان الشعب اعتاد علي زللك بداعي وبدون المطلوب هو تغيير ثقافة هزا الشعب الطيب وهو من اساسيات عمل وزارة الثقافة والا تترك عملها وترحل

eemoo يقول...

أه أه. أقول أيه. حسبنا الله ونعم الوكيل. تقليد أعمى دون هدف أو دليل. الناس مبقتش تكلف نفسها تفكر دقيقة قبل أن تقول أو تعمل أي شيء. يتهيألي لو فكروا شوية هيقدروا يميزوا. ربنا يهدي الجميع.....