٠٥‏/٠٦‏/٢٠٠٧

الساقية وإسكندريلا 2



الساقية إسكندريلا 2

في اليوم المحدد أؤكد على مي الحضور في الموعد المحدد
"
أرجوك يا مي مش عايزين يحصل لنا زي حفلة
يوم الأرض في الأوبرا - ولهذا قصة أخرى..
أكيد ما تقلقيش إن شاء الله
لو تأخرت سأدخل وحدي "
أصل في الموعد فأراها في الحديقة وبعد السلامات والقبلات تقف مي لتأتي لنا بتذاكر الدخول
استعجلها تبتسم حائرة "بمعنى أنط فوق اللي قدامي ولا أطير"
ندخل لقاعة الحكمة حيث تقام أغلب الحفلات الموسيقية لنفاجئ بازدحامها الشديد
وجدنا مكانين في آخر القاعة بصعوبة شديدة وجلسنا ننتظر.......
في الموعد طل علينا المهندس محمد عبد المنعم الصاوي ليقدم الحفل ويقدم الفرقة حائراّ بم يقدمها؟
لكنه قال :لنقل إسكندريلا و الشيخ إمام وسيد درويش وكفى
هل هناك مايقال بعد هذا؟
كل ما يسعده مدى التزايد الذي يراه على هذه الحفلات القيمة
يدخل أعضاء الفرقة ليجلسوا في أماكنهم على المسرح
يرتدي الشبان اللون الأبيض فيما ترتدي آية حميدة وسامية جاهين اللون الكلاسيكي الأسود
نرى شابا في شعره بياض جالسا حول طبوله في أقصى اليمين
أنظر في ورقة الدعاية وأعلم أنه "أيمن صدقي إيقاعات"
وفي أقصى اليسار "نور بهجت بيانو" الشاب ذو النظارات
وفي الوسط أربعة كراسي يجلس عليهم بالترتيب من اليمين لليسار
شادي مؤنس عود وغناء في الصورة السابقة هو أقصى اليمين
حازم شاهين عود وغناء بجانبه بالضبط
آية حميدة غناء
سامية جاهين غناء


وعلى الفور يبدأ الحفل
لتبدأ سيمفونية من
*الأغاني القديمة ذات المشاعر العميقة والدلالات البليغة منها ما هو للعظيمين الراحلين إمام وسيد درويش والكلمات ما بين أشعارفؤاد حداد أوالفاجومي"أحمد فؤاد نجم" أو بديع خيري



*أما الأغاني الحديثة
فهي من ألحان شادي مؤنس أو حازم شاهين
ومن كلمات فؤاد حداد أو صلاح جاهين أو حفيدهما أحمد حداد وهو من قام بدور "طارق" في فيلم " أوقات فراغ " وهو من أصدق الأفلام التي صورت حياة فئة من الشباب المصري الضال والضائع




كنت أتمنى لو كان معي موبايل حديث لأصور الحفل كله صوت وصورة واللي يحصل يحصل بس المشكلة إنه العين بصيرة والإيد قصيرة
وكما تقول مي " مشكلتنا إن أذواقنا وطموحاتنا أكبر بكتير من إمكانيتنا "
تعملي إيه يا بت يا روبي تعملي إيه؟
ما لهاش غير القلم والنوتة الموف الصغيرة بتاعتي وهاتيا كتابة على قد ما لحقت وقدرت
اعذروني فهي كتابة سريعة خاصة أنني كنت أريد الاستمتاع بالاستماع
وبعض القصائد استطعت الحصول عليها كاملة من بعض المواقع والمدونات
هيا إلى القراءة

........
إذا الشمس غرقت في بحر الغمام**
ومدت على الدنيا موجة ظلام
ومات البصر
في العيون والبصاير
وغاب الطريق
في الخطوط والدواير
يا داير يا ساير
يا بو المفهومية
مفيش لك دليل
غير عيون الكلام

سجن القناطر1970 كلمات أحمد فؤاد نجم
ألحان وغناء الشيخ إمام
:
**مصر يامه يابهيه..
يا أم طرحة وجلابية
الزمن شاب وأنت شابه
هوه رايح وأنت جاية

وقال أيضا
والله إن سعدني زماني لاسكنك يا مصر
وابني لي فيكي جنينة فوق الجنينة قصر
وابعت منادي ينادي كل يوم العصر
دي مصر جنة هنية للي يسكنها
واللي بني مصر كان في الأصل حلواني

وهو الذي قال أيضا
بحبك بحبك بحبك يا مصر
مسايا وصباحي بسبح بحبك
وحبك شفايا وجراحي يا مصر
ولو يحبسوني ولو يشنقوني
ولو فكروا بالعذاب يبعدوني،
حاقرب وأقرب، ومش ممكن أهرب
وتنزل دموعي علي خدودي تشرب
تلاقي الرموش والخدود والمباسم
مراسم وصورتك عليهم يا مصر

أحمد فؤاد نجم والشيخ إمام
**اتفرج يا سلام
العيسوي بيه
العيسوي بيه
بشرى لجميع الحشاشة
بشرى لجميع الهباشة
العيسوي رمز الطفاشة
العيسوي رمز الهباشة

فؤاد نجم
**أهل الشام
حيوا أهل الشام يا أهل الله
صابرة وهشام ماشاء الله
كلهم قد صام وقد صلى
يا أبو زيد الخيل ما تقلقشي
كلهم قد نام مؤدي الفرض
تحت هذا الليل وهذي الأرض
قالوا للأحلام ما تقلقشي
إن يكن أو كان ندى البلبل
في شجر لبنان ما عنقدشي
والرقابي إقلام مطاطية
تكتب الأيام مطاطية
سبت شغلي وجيت أسحركم
دق قلبي في بيت مسافركم
مت ما استنيت لآخركم
يا تجار الزيت بخاطركم
شاعرٍ حداد حيخبركم
ان اسمي جهاد بدمعاتي
اسمي الاستشهاد في طلعاتي
كنت رد بلال علي المدنة
يا أبو زيد هلال ورمضنا
كنت مهر النور ما غمضنا
شب فوق السور كما يلزم
لم أزل منصور ولم أُهزم
عند ست بحور تغرقني
والجنان الحور تعرفني
حيوا أهل الله يا أهل الله
يا عباد الله عباد الله
تعرف الإنسان من الطلة
حط قلبي شهود علي الطبلة
تعرف الإنسان من الشوفه
لاتري مهواه ولا خوفه
لاتري أدناه بيدلي
لا تري أعلاه ولابيشهق
في شحوب النار و في الأزرق
والقمر مسروق وما جانا
جيت أغني شروق وميجانا
لاخرج مطرود ولاغيَب
قد ثبت في الدار وأثبتها
هادياً للدار وهاديني
في أمم أطوار يناديني
كنت في الأشعار أبو الطيب
من حمى لي الدار حمى ديني
سيفي من أبطال حمادينِ
يا نقا الاسلام طرح بُلبُل
في ندى الاسلام فلسطيني
مثل موج البحر مثل الموج
حيث لا تلتام جراحاتي
يبتدي من الان من الاتي
مثل موج البحر مثل الموج
قولوا للقلقان مايقلقشي
دولة الاحلام ما تقلقشي
تحت هذا الليل وهذي الارض
كلهم قد نام مؤدي الفرض
يا أبو زيد الخيل ما تقلقشي
كلهم قد صام وقد صلى
صابرة وعصام ماشاء الله
حيوا أهل الشام يا أهل الله
يا عباد الله عباد الله

فؤاد حداد وحازم شاهين
**فان كوخ صحي مونيه
يا بيكاسو نايم ليه؟
يا سلفادور يا هوجا
ارسم لي بنت الأيه

حازم وأحمد حداد
وانتهت سيمفونية الوطنية والمشاعر الجميلة والكلمات المعبرة العظيمة
انتهت لأخرج بشعور وطني جارف بحب مصر
أعبر عن شعوري نحو وطني فتصدمني مي بحقيقة " بمجرد أن نقرأ جريدة الصباح- جريدة معارضة محترمة طبعا- سينقلب الأمر وستشعري بحب مصر طبعا أليس كذلك؟"
وبرغم كل شيء
وبرغم الأغنية الشهيرة التي أراد بها مؤلفوها زيادة رصيد الحكومة الغبية تيت –بلاش تخبيط عيب عيب على الأقل من حيث الغيبة وحرمتها-
المهم برغم جملة " يبقى أنت أكيد أكيد في مصر"
بحبها
بحبها
وبتمنى يجي اليوم اللي أشوفها فيه أم الدنيا بجد
أم الدنيا كلها
بتمنى يجي يوم ما أسمعش كلام بذيء في الشارع
ما أشوفش بنات مبتذلات في الشكل أو السلوك
ما أشوفش قمامة في الشارع
ما أشوفش ناس بتاكل حق ناس
والأمنيات تتحقق بالعمل والأمل
العمل على تحقيق ذلك دون الهروب والهجرة
والأمل الذي يدفعنا لتجويد العمل وإتقانه وقبله إخلاص النية والدعاء
برغم كل شيء بحب أهل بلدي الغلابة البسطاء ذوي الكرم الفطري والابتسامة البشوشة
برغم كل شيء مش بتمنى أعيش بره بلدي
يمكن أحب أسافر أكمل تعليمي أو....
لكن مش هسيبها وأهرب أو أهاجر لأنها بلدي بلدي وبحبها
بحبكم أوي في الله
وبحبك يا مصر

هناك ٧ تعليقات:

الـفجـريـــة يقول...

أول مرة ادخل عندك يا رحاب

عارفة اصلا

كنت داخلة على انا اخوان

فلقيت ليك رد باسمك

عصفور طل من الشباك

الأغنية اللى بحبها

قلت ندخل

--------
نرجع لموضوع اسكندريلا

سمعت وقريت عنهم كتير

بس هل فى سايت تعرفيه ينزل منه اغانيهم

من تعليقات ناس كتير عليهم انهم مش مجرد نقل لتراث نجح قبل كده..لكن هما ليهم صبغة خاصة

بس مسمعتلهمش حاجة ولا مرة

لو عرفتى ابقى قوليلى

غير معرف يقول...

www.khirat-elshater.blogspot.com
انصحكم بزيارة مدونة ابناء المهندس خيرت الشاطر

Marwa Friday يقول...

عصفورة الربيع الجميلة روبي
ازيك يا قمر
حغلات والساقية ..أنا آخري اتفرج على فرح في الشارع اللي ورانا ..مسرحية في قصر الثقافة ههههههههه الساقية مرة واحدة كده طيب ماشي حسابك معايا بعدين
صباح الورد يا رورو

عصفور طل من الشباك يقول...

صباح الفل يا قمر
عازماك على الساقية بس تعالي القاهرة وأنا هظبطك

عصفور طل من الشباك يقول...

الفجرية
نورتيني
الحقيقة ما فيش موقع رسمي عنهم بس في مدونة لسامية جاهين بتجيب آخر أخبارهم هتلاقيها عندي في المدونات الجامدة
لو عرفت هقولك

خليك فى البيت يقول...

ندعوكم لزيارة مدونة خليك فى البيت والمشاركة فى الحملة

نفسنا يقول...

ندعوكم لمشاهدة العدد الثانى من مجلة نفسنا